الاحـــــــــــــــــــزان

حزينه جمعت الاحباب اذا ندري وراها غياب***وحزينه ليلة القمرا وتاليها القمر غابي

مثل ورده سقاها الوقت من وقته دموع اهداب***وعشمها بريح الورد وسكر دونها البابي

وحزينه دمعة سالت على خدي تقل مشهاب***يسابقها الانين اللي وقف لي وسط محرابي

الا يامـوج لاتلــطم لطـمني وقتي الكـــــذاب***ذبحني وانكسر نعشي وجاني لابس اثيابي

صدقت بوقـفتي والله ولاني بوقـفتي طـلاب***طالت وقفت الشامخ وخافت مني هضابي

اعانق رسمة النجمه وجذعي مندفن بتراب***الا يـــــــادار لاتجــرح وكل ترابـك تـرابي

غشاني الليل بهمومه وجرح جرحي المنصاب***وصرت الشايب اللي به هموم وجرح متصابي

اشد بكــفي اليـمنى كفـوف مالـها جــذاب***وتسحب كفي اليسرى كفوفٍ تجهل انصابي

اجامل لعبة الظلمى وهيا مهنة الحطاب***تراودني لياليها واراود صبحها الصابي

الا ياموج روح بي مالي بصبحة الكذاب***اببحر وامتطي نعش ٍ جميل شراعه ثيابي