لييييييييييش ياشباب (شعارنا) ..لاااااااا للتوفير؟!

من يومني صغيرة ,,كنت أحب أجلس مع الحريم ولين ألحين طبعاً هع..ومحكوم علي اني أسمع بربرتهم
اللي ماتخلص..كنت أسمع لفظ يشدني دايما يقولونه الحريم..لما يسمعون ان ام فلان ولدت كانوا يصرخون
الحريم بصوت واحدقطوه؟!)..!! ثم يضحكون..وأنا السبهه مدري وش السالفة وليش يضحكون..وتوقعت
ان كلمة (قطوه)..صارت نكته..بس لازلت مستغربه ليه يضحكون؟!..اللي عرفته بعدين ان لفظ (قطوه) يطلق
على المتزوجة اللي كل سنة تقدم لهالعالم بزر أو بزرين..يعني باختصار..اللي زوجها يكون (قروي) ويسمع
بتنظيم الاسرة ..ويحسب ان تنظيم الاسرة معناه انك تحط كل بزر في سرير لحاله خخخخ!!..وتشبيه المتزوجة
(الولود) بالقطوه او الهرّه..نظراً لان القطوه لازم كل كم شهر تتحفنا بكم قطو صغير تقدمهم الى عالم الشوارع
غير مبالية بمصيرهم ولاتدري وش بيكون مستقبلهم أو هدفهم من الحياة!..المهم انها تجيبهم وتسوي اللي عليها وبس
تقول محلوف عليها تحمل وتولد ههههههه..مع إني بصراحه بصراحه ماأدري وش فايدة (القطاوة) في دورة الحياة؟!!
يعني لا احنا اللي بناكل من لحومهم..ولا اللي بنشرب حليبهم..ولانستفيد من جلودهم..ولاهم اللي بينظفون البيئة..ماغير
متسدحين اربع وعشرين ساعة عند هالزبايل وانتم بكرامه..!! لدرجة اني أحس ان سبب وجودها علشان شوارعنا
ماتستاحش لحالها ههههههههه!!
المهم ماعلينا..اللي لفت نظري هو أن القطوه صار توالدها وتكاثرها تهون عند هالقنوات (الحبّيبة) اللي تطلع لنا كل يوم
وهي قنوات قائمة على أنها تستورد لنا مذيعة بمواصفات معينه (وغير معينه) وتقدمها لشبابنا الواعي علشان بكل بساااطة وتلقائية يحبها
يعني قناة عبارة عن غرفة اربعة في ثلاثة متسدحة فيها مذيعة وجهها معبى بهالألوان تقول شاريه مكياجها من (دهانات الجزيرة) وما على
لسانها الا ..اتصلوا بنا ..اربحوا معنا نحنا بنحبكن..وماتدري الا ويجيك فارس من فرساننا..وهو اللي يتصل على هالمذيعة ويعلن أمام
الملأ..ويصرخ (أحبك)..ليه حبها؟ وش اللي جذبه فيها؟ كيف تعرف عليها؟..كل هالأمور ماتهم..المهم الرجال حبها وخلاص ..لاتناقش ولاتجادل
المشكلة ان مايمر شهر الا وقناة جديدة من هالقنوات تطلع لنا..وجلس تستغرب كيف راح يجيهم متصلين ومشتركين..خلاص ماعاد بقى أحد..لكن
ماتدري الا وثاني يوم مكتوب على القناة (كامل العدد!) من كثر الاتصالات اللي جتهم!!
باختصار شبابنا ماعاد يوفر شئ أبد..يعني أنا اتعجب وش هالقلب الخضر اللي ماشاء الله مابقى ولامذيعة ماحبها..والمشكلة هالنوع من الشباب يصرخ
(هل من مزيد؟)..لا وكله كوم وسالفه (صديق البرنامج) كوم ثاني..سواء في القنوات أو غيرها..الواحد يتصل ويتكلف ..علشان يطلق العبارة الشهيرة
(ممكن أصير صديق للبرنامج؟)..!! عاد أنا كل ماسمعت هالجملة تخيلت ان المذيعين يردون ويقولون(آسفين يالطيب مو ممكن..مانحتاج أصدقاء بهالفترة..كلمنا بعدين يمكن نقدر!!)
طيب اذا صرت صديقهم,,راح تفزع معهم اذا صارت لهم مشكلة..لأن معروف ان الصديق وقت الضيق..وهذا وقتك ياصديق البرنامج..نرجع لسالفة القنوات اللي تنافس (قطاوتنا) في
التكاثر..هالقنوات بصراحه أثبتت أن عندنا شباب حبّيييب وهواوي..الحب عنده هو وسيلة التخاطب مع الجنس الناعم..وشبابنا ماشاء الله ماهمه احد..زينه شينه سمراء بيضاء قصيرة ..
مايهم..أهم شئ انه حبها والسلام..لدرجة إنك تحس ان في جسمه عشر قلوب ماشاء الله..يعني مايحتاج اتكلم عن كمية الفراغ العاطفي اللي يعانيها هالنوعية من الشباب..كمية الفراغ العاطفي
مهوله بصراحه..الى درجة تقدر تسميه مجرد فراغ عاطفي الا قل (فضاء) عاطفي..يعني يمدي (ناسا) تفتح في قلوبهم وكالة لها ومعرض بعد!!

حقوق الطبع محفوظة..لـــي
تحيـــاتي للجميع..

ما بعرف بس هيك احنى بنموووت على صرف المصاري على شي فاضي
مشكور يا حلو على هاد الموضوع