نشره اخبار قلبى

نشرة اخبار قلبى

فى يوم من الأيام

وانا فى عالم الأحلام

شفت حتة واحدة

ولا نجمة فى الأفلام

روحت ناحيتها وقلت

يا اجمل من حياتى رد

وقولى منين انت جاى

ولفين انت رحت

ردت بصوت بديع

خلى دموعى تذيع

نبأ حبى الفظيع

فى نشرة اخبار قلبى

ردت وقالت انا واحدة

من كل البنى آدمين

قولتلها لأ انتى

نصى اللى مش حزين

تقبلى تكملى معايا

وتمحى حزن السنين

ولا حتسيبى قلبى

فى حزنه الكبير دفين

قالتلى ايوة يا حبيبى

بصوت يطير عقول

رحت مادد بسرعة ايدى

وماسك ايديها على طول

ايد احلى ملاك

خلى قلبى مشغول

صحيت وانا قلبى بيرقص

وعينيا بتقول كلمات

شعر وزجل وآهات

وبأيدى كتبت عبارات

واحد عبر قارات

وطاف فى كل البلاد

بيدور على حب عمره

بين كل العباد